Asal Usul Marga Munte Menjadi Haro Munte

       Ia Simbolontua tubu ni Tuanlen do, tubu ni na so hahuaondo ia anggo, Tamba Tua, Saragi Tua, Munte Tua, Sinahampun Tua, jala maralo roha do nasida na dua Inai, ala songon na marhasurungan do tubu ni Tuanlaeni, alani didok Tamba Tua ma tu tubu ni Tuanlaeni: "Ia pados hamuma tu hami ruhut ni paradaton ai so dia imbarta ai anak ni amanta be do hita, ninna ma" dungi ro ma muse Simbolon Tua mangalusi: "Tung gabe raja ma hape tubu ni nasohahua?".

       Ia dung songoni martup-tup ma tubu ni nasohahuai jadi didok Tamba Tua ma: "ta pol-pol ma pardalanan ni nasida, asa unang boi na sida meret manang tudia", dungi laho ma Saragi Tua tu utara naginoa ran nuaeng Saragi (di utarani Pulo Samosir) mangombat nasida asa unang boi nasida laho tu onan langgiun laho patuba-ba, jala si Nahampun malaho ti Dairi, laho mangambat nasida asa unang boi dapotan sira, jala Munte Tua ma laho tu Tano Karo mangambat nasida laho manuhor hapas sigantion, anggo ahu tu Pintu Batu ninna si Tamba Tua, asa boi mangambat nasida laho matuba-ba tu Sihotang. Dungi borhat be ma nasida tu inganan naung tinontuhon ni na sidai.

       Alai dung manang nasida leleng dung marserak nasida, masa ma logoni ari marpiar-piar pala dong mahiang angka gulu-guluan jala masa muse ma dohot haleon di Pangururan ima luat na tinading kon ni nasida i alani i marmanuk di ampang ma (martondung) ma Simbolon manillik manang aha do mamagisombut umbahen namasa songoni tu nasida, jala mangihuton jaha-jahani parmanuhon ni nasidai ingkon naso hahuai do pardomuan ni nasida jala ingkon gondangan na do asa ro Udan Pareme.

       Jadi dung songoni borhat ma Simbolon marsolu huhut mamalu ogung mandapothon si Tamba Tua tu Pintu Batu, dungi di sungkun si Tamba Tua ma, "aha do alana umbahen naro hamu mardoal-doal tu huta nami on?" "namanopoti sala nami do hami tu hamu asa ro Udan Pareme dihamian", nina Simbolon managalusi. Alai dung didok Simbolon songoni marsdalian do Tamba Tua jala didok ma molo naido tu-tu hinarohon muna hutonahon ma jolo angka donganhu asa rap hami manjalo topot-topot munai, toho tahe ninna rohani Simbolon, dungi mulak manasida tu huta nasida.